Во нашата средина доколку некому споменете бриџ, како по правило, во најголем број случаи помислува на играта која веќе со години си ја игра дома со пријателите. Се влечат карти, се средуваат по боја или по слики, се отвора со 51, ако имате солидно количество среќа ќе ја завршите работата брзо, па ќе ги фатите противниците неотворени и победата е на повидок. Играта е супер, проблемот е во името. Од непознати причини оваа игра која во целиот свет се нарекува РЕМИ (и се игра со два шпила карти) кај нас е наречена БРИЏ (освен во некој средини каде ја викаат ХАНТ).

Поедноставно е да се каже во што е сличноста. И двете игри се играат со карти! Тоа е единствената сличност (а и за тоа може да се дискутира бидејќи во бриџот картите се само реквизит).